Bazartete –Libertasaun Povu Partidu CNRT hamrik iha ámbitu RekonstrusaunPartidu CNRT moris dala ida tan iha ámbitu rekontrusaun estadu hodi bele realiza mehi ne’ebé uluk tempu rezistensia katak depois ukun an Povu tenke moris diak no iha prosperidade ámbitu dezenvolvimentu no demokrasia nia laran.
Tuir Nicolau hanesan koordenador Partidu CNRT iha Sub-Distritu Bazartete infórma katak Partidu CNRT maka úniku Partidu ida ne’ebé eziste iha tempu ukun rasik an hodi fó esperansa ba Povu atu hatun kiak mukit, no beik.
“ Agora dadaun sub-Distritu Bazartete sente ona buat ne’ebé uluk promete ba ami iha eleisaun 2007 nia laran hanesan idosu sira simu dadaun subsidiu husi estadu, eletrisidade lakan 24 oras, rekoperasaun IDPS no petisionáriu, pagamentu ba veteranu sira, kareira espesial ba profesor sira, programa ida ne’e realiza duni iha tempu Partidu CNRT nia ukun lidera hosi XANANA nu’udar Primeiru Ministru iha governasaun AMP’’ Dehan Nicolau. Iha biban seluk, tuir deputadu Hugo akresenta katak iha Governasaun ne’ebé Xanana lidera iha mudansa barak maka akontese kona ba refórma lei finansa sira no lei funsaun públika ba estatu kontratadu no permanente no seluk-seluk tan.
“ Hau nu’udar reprezentante povu nian iha parlamentu haree iha mudansa barak husi refórma politika governasaun, liu-liu refórma politika finaseiru estadu nian, uluk governu anterior sei iha ita nia osan ba fundu petróleu hamutuk 1,8 bilhaun agora iha governasaun atual hamutuk 9 bilhaun ne’e iha vontade diak husi governasaun ne’ebé XANANA lidera” Dehan Hugo
Partidu CNRT iha programa no plano kompletu no iha maturidade atu kaer ukun mesak iha 2012 hodi harii estadu demokrátiku no ámbitu ba dezenvolvimentu nasional “ Hau Fiar katak ho Partidu CNRT ne’ebé lidera husi Xanana bele kaer ukun mesak iha 2012, liu husi PEDN hanesan últimu programa bele kombate povu husi kiak no mukit” Dehan António da Costa nu’udar militante Partidu CNRT iha Bazartete
Tidak ada komentar:
Posting Komentar