Viqueque MLP-Ekipa Tim Susesu Partidu CNRT nian iha Distritu Viqueque agora dadaun estabelese tan Klibur Juventude Rezisténsia hodi fo apoiu ba lideransa Maximu Maun bo’ot Kay Rala Xanana Gusmão taéba tempu ona Juventude Rezisténsia sira atu bele hamutuk hodi hametin unidade Nasional hodi dudu nafatin Maun bo’o ba oin.
Tuir Ekipa Tim Susesu Distritu Viqueque, Manuel Pinto hateten katak agora dadaun ami ekipa Tim susesu Distritu Viqueque estabelese tan Klibur Juventude Rezisténsia sira ne’ebé uluk luta hamutuk ho Maun Bo’ot Xanana maske iha partidu ketak-ketak maibe iha klibur ida ne’e halibur hotu juventude Rezisténsia sira hotu atu bele fo nafatin apoiu ba Maun Xanana. “Ami harii Klibur Juventude Rezisténsia ida ne’e atu halibur fali Juventude Rezisténsia ne’ebé uluk la’o hamotuk maibe to’o ohin loron ida-idak lao nian ne’e duni liu husi klibur ida ne’e bele halibur fali Juventude Rezisténsia sira hotu maske iha Partidu ketak-ketak maibe mai hamotuk hodi fo apoiu nafatin ba Maun Xanana”dehan Manuel Pinto hafoin halo enkontru ho ekipa Komisaun Fiskalizasaun Partidu CNRT Fransisco Guterres iha Viqueque.
Nain mos informa tan katak ekipa ida ne’e la’os atu halo servisu mesak deit maibe ekipa ida ne’e iha eestrtura Partidu CNRT nian iha Distritu Viqueque nian okos hodi suporta tan servisu estrtura Partidu CNRT nian laos ekipa ida ne’e atu hala nian servisu mesak .
Iha fatin hanesan Fransisco Guterres hanesan Komisaun Fiskalizasuan Politika Partidu CNRT nian hateten katak Klibur Juventude Rezisténsia ida ne’e inportante tebes hodi bele haforsa tan servisu estrutura partidu CNRT nian iha nivel baze inportante tenke hametin linha de konrdenasaun atu nune labele hamosu fali destendementu iha baze.
“Hau fo parabens ba klibur Juventude Rezisténsia ne’ebé hakarak hamahon a’an iha klibur ida ne’e hodi fo nafatin nian apoiu ba Maun bo’ot Xanana ida ne’e hatudu katak atu bele hametin fali unidade nasional entre Juventude Rezisténsia sira hotu”dehan Fransisco.
Iha fatin seluk hanesan Konseleiru Organizasaun Juventude Partidu OJP-CNRT, Mito Gusmao hateten katak saida mak esturutura iha nivel baze halo ida ne’e Partidu sempre fo apoiu nafatin tamba klibur ida ne’e diak tebes bele halibur fali juventude Rezisténsia ne’e uluk hamutuk hodi hametin fali unidade nasional ba juventude rezisténsia sira hotu.
Tidak ada komentar:
Posting Komentar