Viqueque MLP-Veteranu sira Viqueque promete katak Veteranu sira Distritu Viqueque sei fó votu Maioria ba Partidu CNRT tamba Xanana halo Funu hamutuk ho sira durante iha tempu difisil nian laran.
Tuir Veteranu sira ne’ebé la temi nian naran fó deit naran kódigu (Sai La Fila) hateten katak husu ba Veteranu hotu iha Distriutu Viqueque atu vota ba CNRT hodi lori Maun bo’ot Kay Rala Xanana Gusmão hodi kaer ukun nafatin iha 2012 tamba durante iha Tempu difisil nian laran maun bo’ot Mak hamutuk ho ita iha Ailaran.
“Hau husu ba Veteranu tomak iha Timor Laran tomak liu-liu Viqueque fó apoiu nafatin ba Maun bo’ot Xanana hodi kaer nafatin ukun iha 2012 tamba Maun bo’ot mak hamutuk ho ita iha tempu Rezisténsia nian laran la’os ema seluk”dehan Veternu sira Sai La Fila iha Konsolidasaun Partidu CNRT iha Suku Ossu Desima ,Sub-Distritu Ossu, Distritu Viqueque , iha Sábadu (14/01) Veteranu sira ne’e mos infórma tan katak fó konfiansa nafatin ba Maun bo’ot Xanana atu bele kaer nafatin ukun hodi realiza saida mak maun bo’ot trasa ona tamba laiha ema seluk nian hanoin hanesan Maun bo’ot úniku Maun Xanana mak bele hatene povu nian terus no susar tamba terus hamutuk ho povu.
Iha fatin hanesan Veteranu mos Júlio Guterres hateten katak maske iha hau nian fuan hau tau nafatin Fretilin maibe hau sei fó apoiu ba Maun bo’ot Xanana tamba figura, iha Timor Leste laiha ema ida hanesan Maun Xanana úniku Xanana mak bele rekoñese povu no Veteranu sira nian kolen.
“Iha hau nina fuan hau sei tau metin nafatin Fretilin maibe hau sei vota ba Xanana tamba figura partidu bele barak maibe tenke haree ba figura Xanana la’os ohin loron mak ita koñese maibe Xanana mak terus hamutuk ho povu”dehan nian.
Iha fatin seluk , hanesan Vise Prezidente CDN Maria Bisoi hateten katak husu ba Militante,simpatizante no Veteranu hotu iha Ossu atu lalika tauk tenke kaer metin Moto Partidu nian katak “Fiar An La’o ba Oin” hodi fó nafatin konfiansa ba Partidu CNRT atu kaer governu iha 2012.
“Husu ba Veteranu ho Militante iha Ossu atu lalika tauk ba ameasa ne’ebé partidu balun atu halo ne’e bosok ita kaer metin Moto Partidu CNRT nian katak “Fiar An La’o Ba Oin” hodi fó nafatin konfiansa ba Partidu CNRT atu kaer mesak ukun iha 2012”dehan Bisoi
Tidak ada komentar:
Posting Komentar