Dili- MLP (14 Janeiro 2012) Partidu Congresso Nacional Reconstrução de Timor Leste (CNRT) konsolida nia Programa iha Aldeia Moris Foun Suku Hera Sub-Distrito Krsito Rei Distrito Dili.
Iha konsolidasaun ida ne’e hetan partisipasaun masimu hosi militantes no simpatizante Partidu CNRT no populasaun iha areia refere.
Tuir chefe Suku Hera Simão Pedro hateten katak núdar lider komunitário no independente nia simu Partidu ne’ebé deit atu mai habelar nia programa tamba ohin loron ita Moris iha demokrásia nia laran. “Hau núdar chefe suku hanesan lider komunitário, laiha Partidu ida maibe partidu sedeit maka atu mai habelar no konsolida nia programa hau simu ho liman rua” Tenik Simao Pedro núdar chefe Suku Hera.
Suku Hera ne’ebé kompostu hosi Aldeia (6), maioria iha aldeia refere ho nia ema hosi Partidu CNRT. aldeia Moris foun ne’ebé hanesan knua Partidu ASDT. Prezensa Partidu CNRT iha Aldeia refere halo militantes area refere sente kontenti no entusiasmo hodi simu kuadros política nasional
informasaun ne’ebé Media Libertasaun Povu hetan konaba militante Partidu ASDT ne’ebé afilia mai Partidu CNRT hamutuk Atus walu (800) ne’ebé komposto hosi Aldeia rua maka hanesan Aldeia Moris Foun no Aldeia Sukaer Laran.
Atu hasoru festa demokrásia ne’ebé atu hasoru iha tinan ida ne’e melitante refere hakarak fo nia apoiu ba Maun boot Kay Rala Xanana Gusmão tamba núdar lider rezistensia boot ida ba rai ida ne’e no Aman ba dezenvolvimento.
Tuir deklarasaun hosi Adriano Mendoca núdar militante hosi Partidu ASDT hateten katak nia mai iha CNRT tamba Xanana maka sei rona sira nia Susar no terus tamba ne’e maka hau mai afilia ba CNRT
“ Hau hosi Partidu ASDT mai iha CNRT tamba hau nia fiar no konfiansa ba Maun boot Xanana tamba nia maka sei rona ami hakilar hosi terus no susar nia laran, fiar katak uluk hamutuk ho ita iha tempo ne’ebé defisil ne’e maka ohin loron ita liberta tiha ona ita nia rain, agora hamutuk ho ita atu liberta tan ita hosi kiak no mukit” dehan Adriano
Nia mos hateten tan katak nia afiliasaun mai iha CNRT la fo impakto ba nia tamba Aman maka hahu oan maka hakotu funu ne’e, ne’ebé nia mai hosi ASDT mai iha CNRT la iha problema ida ba Partidu ASDT.
Tuir Presidente Conselho Diresaun Nasional Partidu CNRT Francisco Kalbuadi Lay hateten katak ho Partidu CNRT ita Fiar an Lao ba Oin tamba Partidu CNRT Maka Povu no Povu maka CNRT, ho Maun boot Xanana sei la’o ba oin.
“ Hau haksolok tebes-tebes no hakuak boot ba militante sira hotu ho Partidu CNRT nia naran mai ita servisu hamutuk hodi fiar ba malu no kaer liman ba malu lori Partidu ne’e la’o ba oin” Dehan Kalbuadi.
Tidak ada komentar:
Posting Komentar