Lia hirak ne’e hato’o husi Porta Voz CPD-RDTL, Mário Reis liu husi Konferensia Imprensa, Tersa 24/1, iha Balide Dili.
Tuir Mário Reis katak Taur Matan Ruak merese duni atu sai Prezidente Repúblika tamba durante ne’e nia mak terus hamutuk ho Povu.
“Taur Matan Ruak Merese sai Prezidente Repúblika iha periodu 2012-2017, tanba nia mak hatene liu povu nia susar no terus” dehan Mário. Porta Voz ne’e Salienta tan katak liu husi enkontru alargadu CPR-RDTL nian ne’ebé desidi ona atu fó apoiu ba Kandidatu Taur Matan Ruak ba Prezidente Repúblika.
“CPD-RDTL iha nia kritéria rasik atu fó apoiu ba kandidatu Prezidente Repúblika, ema ne’e tenki luta ba ukun rasik a’an.
Nia hatutan katak ema ne’ebe mak atu sai Prezidente Repúblika ema ne’e tenki independente no tenki luta hamutuk ho Povu.
“Ami la iha hanoin ida atu avansa ho ami nia figura rasik, maibe ami sei fo apoiu tomak ba Taur Matan Ruak iha eleisaun atu ba Prezidente Repúblika” Komenta Mário.
Ema ne’ebe maka atu sai Prezidente Repúblika tenki Timor Original ho nia Uma lisan rasik iha Timor Leste.
Tidak ada komentar:
Posting Komentar