KP-CNRT Halo Konferénsia Iha Distritu VQQ.

Viqueque MLP: Iha loron 21 de Janeiru 2012, Partidu CNRT loke tan biban ida ba ninia istória kona-ba harii estrutura Klibur Profissionais Intelektual sira Partidu CNRT (KP-CNRT) iha distritu Viqueque.

Estabelisimentu estrutura ne’e, liu husi konferénsia distritais ne’ebé partisipa husi delgadu sira husi nivel aldeia, suku, sub distrito, distritu no nasional.

Total delegadu sira ne’ebé partisipa iha konferénsia ne’e hamutuk ema nain 168. Objektivu husi konferénsia KP-CNRT ne’e mak hanesan: hari’i no hametin strutura no mos habelar resultadu husi konferénsia nacional ne’ebé hala’o iha Dili Convention Centre iha loron 7 to’o 8 de Jeneiru 2012. Konferénsia ne’e loke husi Vise KP-CNRT, kumpaneiru, Agostinho Fernandez ne’ebé akompanha husi sekretariu exekutivu KP-CNR, Ilidio Ximenes da Costa/Sakoko no mos kuadru Polítiku Partidu CNRT hanesan; kumpanheiru Fransisco Guterres, membru juridisaun no fiskalisasaun no kumpaneiru Pedro da Costa Martins, membru Konsellu Diresaun Nasional (CDN). Introdusaun hahu loke ho esplikasaun jeral kona-ba estatutu KP-CNRT ne’ebé hatoo husi secretariu exekutivu KP-CNRT.

Konferénsia ne’e lao ho demokratiku no sesesu tebes tamba iha partisipasaun aktivu husi delgadu sira ne’ebé hato’o sira nia proposta kandidatura ho pakote 4 hafoin halo konsensu elimna tiha pakote rua. Pakote ne’ebé manan iha konferénsia ne’e mak pakote D ho total votus 83 husi 116 votantes,nulu hamutuk 4 no 47 delgadu mak la vota. Iha fatin mak hanesan, membru sira eleitu hili mos sira ninia membru konseleiru politiku husi mak hanesan: Zaques Pinto, Sai Lafila Hewai, Armindo Manukei, Henrique Campus, Sai La Fila, Manu Kei, Hewai, Mata7, Maurui, Zaques, Bernardino Menezes, Gregorio Henrique, Costantino Guterres, Henrique Campus, Domingos Branco, Crigildo Soares, Teodoro Osorio Pinto, Abilio Quintão.

Estrutura mak hanesan tuir mai ne’e:

1. Manuel Pinto eleitu hanesan Presidente KP-CNRT

2. Daniel Soares (Fogeti) hanesan primeiru vise

3. Acacio Sousa henesan segundu vise

4. Amandio da Costa hanesan sekretariu exekutivu

5. Angelo G Guterres vise sekretariu exekutivu

6. Jose Pinto hanesan administrasaun

7. Marquita Soares hanesan financas/tezoreira.

Iha sesaun ikus, taka ho esplikasaun geral kona-ba resultadu konferénsia nacional, liu-liu kona-ba mapeamento no mos kriteria ba kandidatura presidensial no mos koligasaun, ne’ebé apresenta husi Ilidio Ximenes da Costa, Fransisco Guterres no Pedro da Costa Martins. Secretariu Exekutivu KP-CNRT husu ba kuadru politiku no militantes e simpatisantes sira atu serwisu maka’as liu tan hodi atinji mehi partidu ho meta P 45 +. Iha parte seluk mos, kumpenheiru Fransisco Guterres esplika klean liu tan kona-ba P 45 + ho hanoin katak CNRT sei halo mos mudanca ba Lei Inan/Konstituisaun RDTL no kaer ukun mesak. Nune’e mos, kumpanheiru Pedro da Costa Martins hato’o vantejen no desvantajen husi koligasaun.

http://www.partidocnrt.com/index.php?option=com_content&view=article&id=1081:kp-cnrt-halo-konferensia-iha-distritu-vqq&catid=58:kp&Itemid=173