Rekonstruksaun;
Iha enkontru ekipa susesu kandidatura Presidente da Republika Sr. Taur Matan Ruak nian iha salaun Canosa Becora, partisipa husi responsavel masa, kaisa klandestina sira no mos responsavel resistensia iha Distritu 13 nian hamutuk hato’o sira nia pozisaun inklui planu ba preparasaun kampanha ba Eleisaun Presidente da Republika nian. Para alende individus importantes sira husi forsa politika oin-oin, partisipa mos Eis Membro CCF Antonio Cardoso no Coordenador OPMT sub Distritu Vera Kruz nian. Enkontru ida neba, kada responsavel organizasaun masa sira hato’o sira nia pozisaun politika no preparasaun ba eleisaun presidente nian.
Iha oportunidade murak ida neba, Antonio Cardoso Eis membro CCF nian hato’o informasaun ida nune’e: “hau hetan trelefone husi hau nia kamarada ida, tolok hau no hateten hau at didiak, nia dehan Hau moe laiha, partidu FRETILIN mak hanorin no habo’ot hau, mais hau fila kontra fali FRETILIN, nia haktuir. Maibe hau dehan ba nia katak, “Favor ida ense pulsa halo barak mak ita nain rua koalia, hau dehan ba nia, FRETILIN nunka habo’t ita, ita mak serbisu ba Partidu no ita mak habo’ot partidu, laos partidu mak habo’ot fali ita. Nia rona tiha hau nia liafuan, nia taka liu kedas”, Cardoso haktuir.
Laos hato’o deit espresaun ida ne’e, maibe mos introdus koordenador OPMT zona Vera kruz nian ba partisipante sira iha enkontru ida ne’e. Tuir Cardoso katak, iha tinan kotuk, ita nia kamarada Buibere ida ne’e lori ema nain 9 mil iha zona Vera-Cruz vota ba LUMAR iha eleisaun direita, maibe agora tamba ema la konsidera nia, ita nia Kamarada ida ne’e, pronto atu serbisu ba susesu Kandidatu Presidente Taur Matan Ruak nian.
Iha oportunidade hanesan, Koordenador OPMT ne’e mos hato’o nia esperasaun katak: “Maun Taur, Ita bo’ot labele tauk, hau ho hau nia ema sira iha ita bo’ot nia kotuk, uluk ita mak hamutuk, agora ami hakarak hamutuk fali ho ita bo’ot atu lori mudansa ba Rai ida ne’e”, nia haktuir. (JC)
Tidak ada komentar:
Posting Komentar