Dili MLP: Partidu Kongresu Nasionl Rekonstrusaun Timor Leste (CNRT) nu’udar Partidu Inovador no partidu Transformador.
Deputadu, Natalino Santos husi Bankada CNRT hateten katak Partidu CNRT maka Partidu ida ne’ebé inovador, transformador no akumula ema hotu-hotu bele fo sira nia kontribuisaun ba dezenvolvimentu nasional.
“Partidu CNRT Partidu ida inovador,Partidu transformador no hakarak transforma, liu-liu situasaun ida ne’ebé uluk ladiak hakarak transforma ba ambiente ida ne’ebé maka diak.
Ho objetivu katak CNRT hamriik nu’udar Partidu alternativu hodi nune’e re-estabiliza fali situasaun no kondisaun ne’ebé maka iha eleisaun 2007 ladun diak, no agora CNRT nia objetivu maka oinsa atu mantein paz no hamonia iha eleisaun nu’udar festa demokrásia.” Dehan Natalino Ba Jornalista sira iha Uma fukun Parlamentu Nasional Kuarta-Feira (1-2-12). Deputadu ne’e subliña liu tan katak iha konferénsia nasional sira konsege aviza ona ba sira nia militante no simpatizante sira atu mantein paz no estabilidade.
“No atu povu ne’e bele partisipa no bele fo deizisaun ba devenvolvimentu nasional, entaun CNRT liu husi ninia konferénsia aviza ona ba ninia estrutura tomak hahú husi nasional, distrital, too nurep seklom sira katak sidadaun hotu-hotu tenke mantein paz no dame hodi nune’e bele fo biban ba demokrásia ne’e bele buras.
Nomos Partidu CNRT nu’udar partidu ida ne’ebé maka akumula ema hotu ne’ebé hanoin diak atu bele kontribui ba dezenvolvimentu nasional” Natalino Subliña.
Nian hatutan katak objetivu komum partidu nian katak rai tenke hakmatek, povu tenke moris diak nune’e se bainhira povu hakmatek dezenvolvimentu la’o maka estadu ida ne’e bele garantia ba futuru nasaun ida ninian vida. Ne’ebé CNRT sempre mantein ninia hanoin katak nasaun ne’e livre no demokrásia ema hotu-hotu bele hato’o ninia hanoin liu husi espirasaun kritika maibe labele uza violénsia.
Husu ba militante hotu-hotu liu-liu Partidu CNRT nian, apoiante no simpatizante sira atu kontrbui ba estabilidade, paz, harmónia iha vida sosiál nune’e festa demokrásia bele la’o diak nomos povu bele disidi distinu ukun nain sira nian hodi servi duni ba povu no rai ida ne’e. Natalino realsa
Lideransa Partidu CNRT ne’emos fiar katak Partidu CNRT sei lakontribui ba destroisaun maibe maibe sei kontribui ba konstrusaun
“100% CNRT garantia estabilidade tamba estrutura Partidu CNRT nian kuaze ema sira uluk ne’ebé maka kaer tiha ona estrutura CNRT nian no ohin sira asumi fila fali tantu husi selkom nurep too zona ema sira ne’e ema antigu deit no ema sira ne’e maka iha ona experénsia, iha vida polítika, ema sira ne’emos diplinadu ne’ebé fo ona orientasaun ba ninia miltante sira atu kontribui ba paz no estabilidade.
Hau fiar katak CNRT sei laiha Violénsia , CNRT lakontribui ba destroisaun maibe CNRT sei kontribui ba konstrusaun estabilidade iha rai ida ne’e nian” Nia Fiar.
Partidu ho ninia estrutura tomak halo nia konsolidasaun no sosializasaun polítika nomos regra sira eleisaun nian ne’ebé mak lei estabelese .
Ne’ebé funsionamentu estrutura Partidu nian sempre hala’o tamba tama ona eventu eleisaun, orientasaun ba estrutura sira komesa halo sosializasaun ba lei eleisaun, regra sira ne’ebé maka atu estabelese hodi garantia eleisaun bele la’o ho diak. Ne’e funsionamentu loro-loron tuir orientasaun Partidu nian ba estrutura ne’ebé estabelesidu.
Ikus liu Nia hateten sesedeit maka lakumpri estatutu no manual polítika Partidu nian sei simu sansaun ne’ebé maka desidi tiha ona.
“iha estatutu partibu nian hateten kakat militante ka estrutura ne’ebé maka la obdese ka “la loyal fiel” Partidu no orientasaun, liu-liu ba estatutu no manual polítika Partidu nian sei iha sansaun ba nian.
Sansaun hanesan se nian halo krimi grave bele sai husi Partidu ka estrutura, ida ne’e hakerek tiha ona iha estatutu no manual polítika Partidu nian, ne’e regra ida ne’ebé maka latolera ba se deit bainhira militante ka iha estrutura laran mak la kumpri estatutu no maual polítika automatikamente sei fo sansaun ba sira.
Maibe liu husi dalan ne’ebé maka estabelese mos iha Partidu nia laran atu bele haree oinsa fo sansaun ruma ba ema la’os tamba rona deit istória, no informsaun fo sansaun maibe tenke aprezenta ho evidénsia faktu ne’ebé maka konkreta no dezisaun ne’ebé sai sei tuir estatutu hakerek
Tidak ada komentar:
Posting Komentar