Partidu Polítiku ne’ebé maka rejistu ona Tribunal Rekursu hodi kompete iha eleisaun 2012 jeral hamutuk 24, maske Partidu komesa mosu barak maibe Partidu CNRT fiar a’an nafatin hodi La’o ba Oin tuir Prinsípiu Partidu CNRT nian.
Tuir Koordenador Partidu CNRT Distrtu Liquisa, Domingos da Consenção hateten katak maske iha Timor Leste agora dadaun iha partidu polítiku barak maibe Partidu CNRT nafatin Fiar A’an Lao Ba Oin tamba ema hotu la’os haree ba Partidu maibe ema sei haree ba Lideransa no programa Partidu nian. “Maske ita hotu hatene katak agora dadaun Partidu Polítiku hamutuk 24 mak ejisti ona iha Timor Leste, CNRT sei Fiar A’an Lao Ba Oin no povu sei la haree ba osan maibe sira sei haree ba lideransa no programa partidu nian”dehan Domingos hafoin halo enkontru iha Liquisa Sabadu foin dadauk ne’e.
Iha fatin hanesan Militante sira Partidu CNRT Distritu Dili Sub-Distritu Dom Aleixo , Alexandre Gusti hateten katak Partidu Polítiku agora mosu barak maibe Partidu ne’ebé mak atu kaer ukun tenke partidu iha ninia lideransa ne’ebé mak diak ne’e duni CNRT sei bele manan tamba Maun Bo’ot Xanana.
“Maske Partidu polítiku barak mosu ho idolózia polítiku la hanesan maibe Partidu CNRT sei Fiar A’an hodi Lao nafatin ba oin tamba Partidu CNRT lidera husi Maun Bo’ot Xanana ne’e povu sei la haree ba partidu barak maibe sei hare ba lideransa No programa Partidu nian”dehan Gusti iha Aimutin Kuarta (01/02)
Nian mos informa tan katak hau fiar katak iha Partidu barak maibe lideransa la hanesan ho Partidu CNRT ne’e atu ukun nasaun no povu tenke iha lideransa ne’ebe forte hanesan lideransa Partidu CNRT nian maun bo’ot Xanana.
Iha fatin hanesan Apoiantes Partidu CNRT, Vitor da Costa hateten katak Partidu ne’ebe atu kompete ho partidu CNRT hamutuk 23 maibe hau fiar katak Partidu CNRT sei manan nafatin tamba Partidu CNRT lidera husi lideransa Maximu Xanana Gusmáo no ninia programa ne’ebé maka diak.
Tidak ada komentar:
Posting Komentar