Baguia-MLP,Partidu Kongresu Nasional Rekontrusaun Timor Leste (CNRT) halo konsolidasaun hodi hametin estrutura iha nível Selecom hodi garante vitória 45+ iha 2012 hodi kaer governu.
Tuir Sekretáriu Jeral Partidu CNRT, Dionisio Soares Babo hateten katak Partidu CNRT iha garantia atu bele kaer governu iha 2012 tamba estrutura partidu nian agora dadaun fórma husi nasional to’o iha baze ne’e duni hau fiar katak partidu CNRT sei bele kaer ukun.
“Estrutura Partidu CNRT nian agora dadaun hahu husi nível nasional to’o iha baze ne’e duni hau fiar katak CNRT sei bele kaer ukun iha 2012 tamba iha 2007 fóin hamrik iha fulan 3 nian laran konsegue hetan kadeira 18 ,ne’e duni tinan 4 ona hau fiar katak CNRT sei bele kaer”dehan SekretáriuJeral Partidu CNRT, Dionisio Babo iha konsolidasaun Partidu CNRT iha Suku Afólicai,Sub-Distritu Baguia, Sábadu (18/02) Iha fatin seluk , Koordenador Partidu CNRT Distritu Baucau, Fransisco da Costa (Ikulai) hateten katak Partidu CNRT agora halo konsolidasaun no fórma estrutura iha nível nasional to’o iha Aldeia atu fó garantia ba eleisaun hodi hetan 45+ iha eleisaun Parlamentar.
“Estrutura Partidu CNRT nian agora dadaun fórma hahu husi Nasional to’o iha baze hodi fó garantia atu bele hetan vitória 45+ iha eleisaun tamba estrutura agora dadaun metin ona no prontu atu hasoru iha eleisaun”dehan Fransisco. Nia mos infórma tan katak Partidu CNRT hamrik ho fulan 3 deit sei bele hetan kadeira 18 iha Parlamentu Nasional, ne’e duni agora hamrik tinan 5 ona partidu CNRT sei manan maioria hodi kaer ukun atu bele hasai povu ida ne’e husi terus nian laran.
Iha fatin hanesan, Koordenador Partidu CNRT Sub-Distriut Baguia, Luís Manuel (Oan Fuik) hateten katak Partidu CNRT sei manan maioria iha Sub-Distritu Baguia tamba iha 2007 Partidu CNRT nian estrutura la to’o iha Sub-Distritu Baguia maibe konsegue hetan duni votu barak. “Uluk iha 2007 ,Partidu CNRT nian estrutura seidauk tama to’o iha Sub-Distritu Baguia maibe konsegue povu fó votu ba CNRT, ne’e duni tinan ne’e CNRT nian estrutura Fórma metin iha Baguia, hau fiar katak CNRT sei bele hetan votu barak liu iha Baguia”dehan Oan Fuik.
Tidak ada komentar:
Posting Komentar