Dili MLP-Ita hotu hatene katak Partidu Politik ne’ebé agora daduan eziste iha ida ne’e hamutuk 24 tamba mai husi idolozia politika ne’ebé la hanesan ne’e Militante sira no apoiante sira atu vota tenke fihir didiak Partidu ne’ebé iha Responsabilidade ba imi nian Votu atu nune’e’e Povu sira lalika lakon imi nian direitu.
Tuir Koordenador Partidu CNRT Distritu Baucau , Fransisco da Costa (Ikulai) hateten katak Militante no simpatizante sira hotu atu hili partidu tenke fihir didiak Partidu no figura atu nune’e bele responsabiliza votu sira no labele lakon imi nian direitu ba vota.
“Hau husu ba militante sira no simpatizante sira hotu atu vota tenke fihir didiak Partidu no Figura atu nune’e bele responsabilidade imi nian votu sira se lae imi mak sei lakon imi nian direitu votu, ne’e duni atu vota tenke fihir didiak partidu tamba agora iha partidu barak ona”dehan Fransisco da Costa (Ikulai) iha Konsolidasaun Partidu CNRT iha Suku Afólicai,Sub-Distritu Baguia, Sábadu (18/02) Nia infórma tan katak Partidu bele barak maibe Povu mak bele disidi partidu nian distinu, ne’e duni militante Partidu CNRT Distritu Baucau atu bele vota ba CNRT tamba CNRT mak sei bele responsabilidade imi nian votu sira tamba CNRT lidera husi Maun Xanana ne’ebé moris hamutuk ho imi.
Iha fatin hanesan , Koordenador Partidu CNRT Sub-Distritu Baguia, Luis Manuel (Oan Fuik) hateten katak Partidu CNRT iha nian lideransa ne’ebé fórte no karismátiku, ne’e duni Partidu CNRT sei iha responsabilidade ba Povu nian Votu sira , ne’e povu fó fiar ba CNRT banhira kaer ukun mesak iha 2012.
“Partidu CNRT iha nian lideransa ne’e fórte no karismátiku hanesan Maun Xanana, ne’e duni Partidu CNRT manan iha 2012 Partidu CNRT sei responde hotu povu nian hakarak tamba Xanana mak hatene Povu nian moris tamba Xanana mak moris hamutuk ho povu”dehan Oan Fuik
Iha fatin hanesan mos , Ekipa Fiskalizasaun Partidu CNRT, Fransisco Guterres hateten katak Xanana la’os ohin loron mak fóin Povu koñese maibe Xanana Lideransa ne’ebé karismátika no moris hamutuk ho Povu durante funu nian laran, ne’e duni povu fó fiar kaer ukun mesak iha 2012, CNRT sei halo saida mak povu nian hakarak.
Tidak ada komentar:
Posting Komentar