BAUCAU—Militante sira Partidu Kongresu Nasionál Rekonstrusaun Timor Leste (CNRT) iha Distrítu Baucau hamutuk ema nain rihun 20 resin komesa preparadu bá hasoru eleisuan parlamentar fulan Juñu tinan 2012 ne’e hodi bele atinzi objetivu P45+1 iha Parlamentu Nasionál.Militante sira partidu CNRT husi Distrítu Baucau ne’ebé prontu fó votus bá partidu CNRT, hamutuk ema nain 20 mill hametin Estrutura husi aldeia to’o Distrítu ne’ebé metin hodi hasoru eleisuan Prezidensial no lezislativu (Parlamentar) kompara ho tinan 2007 ne’ebé iha militante hamutuk rihun 6 resin deit.
Prezidenti Partidu CNRT, Kay Rala Xanana Gusmão, hafoin fó pose bá estrutura Distritál Baucau, Sub-distrítu 6, hateten katak, iha loron ida ne’e loron haksolok atu hasoru malu la’o bá oin. “Uluk ita hamutuk fuan ida de'it, fiar aan ida de'it unidade Nasionál, Maluk sira hotu hatete ita iha kiak no Mukit ne’ebé mak halo ita fila mai iha ne’e,” dehan PM Xanana iha Konsolidasaun Partidu no fo pose bá Estrutura foun distrítu Baucau, Sábadu foin lalais ne’e.
Xanana dehan tan katak, iha luta nia laran maske oituan deit maibé manan Funu hodi ukun rasik aan, tamnba forsa bo’ot mak fiar aan no hotu-hotu iha hanoin ne’eb’e ida hakarak objetivu ida de'it. Tamba iha funu laran halo ona mudansa barak hodi bele hetan ukun rasik aan, no agora maski la halo buat hotu, maibé la’o ona hodi bele hadi'a povu nia moris.
Prezidenti Partidu CNRT hatutan, Partidu sei iha oportunidade atu bele halo buat di'ak liu tan bá Partidu no forte hasoru eleisuan hodi bele lori povu bá iha vida dezenvolvimentu ne’ebé povu sei hein hela.
“Ita nia Prinsípiu mak respeita no hadomi ema hotu, tanba ida ne’e tenke hahú husi ita nia uma laran, ne’ebé mak partidu CNRT hakarak hodi bele halo povu kontenti.
Ita sira ne’e mak kuñese malu husi funu laran ita moris iha terus no susar nia alran to’o ukun aan, maibé agora imi mak nafatin, ne’ebé ita Ne’ebé moris tenke funu nafatin no fiar Aan hodi nune'e’e ita bele hatudu katak, ohin loron ita hamutuk hodi bele Hadi'a Povu Nia povu nia moris. Ita sei hasoru funu no mana funu hasoru kiak, b’a iha dezenvolvimentu nasionál,” tenik Xanana.
Xefe Partidu CNRT ne’emos husu ba ninia militante sira atu tenke iha hanoin ida deit no fiar ida deit hodi alkansa vitória.
“Tinan Lima atu hotu ona, la halo buat barak, maibé ita hamutuk tan ho fiar ida de'it, hanoin ida ita sei hetan vitória no sei manan funu hasoru kiak ne’ebé kontinua hela. Ita sei manan buat hotu no Sei manan mós eleisuan hotu, maibé tenke hamutuk Nafatin hodi Bele avansa ho fiar ida de'it bá iha dezenvolvimentu,” tenik Xanana.
Iha fatin hanesan koordenador Partidu CNRT Distrítu Baucau, Francisco da Silva ‘EKULAI’ hatutan katak, Partidu CNRT iha militante ne’ebé prontu bá hasoru eleisuan prezidensiál no Parlamentar, tanba estrutura partidu husi aldeia komesa metin no hetan legalizasaun husi Prezidenti Partidu, Kay Rala Xanana Gusmão.
Nia dehan, polítika partidu CNRT ne’ebé metin iha Distrítu Baucau, ne’ebé hetan fo pose husi Prezidenti partidu, Kay Rala Xanana Gusmão, mai husi Sub-distrtitu 6 mak Hanesan Sub-disitritu Vemase, Baguia, Baucau Vila, Quelicai, Venilale no Sub-distrítu Laga ne’ebé hamutuk 59. Francisco mós hatutan tan katak, iha ne’e Baucau militante sira hamutuk ema nain 1.190 simu pose iha Konsolidasaun ida ne’e ne’e atu kesi metin militante hanesna mós preparasaun partidu nia iha Aldeia bá hasoru eleisuan.
Francisco informa katak, Distritu Baucau ne’ebé hamutuk Sub-distrítu 6, suku hamutuk 59 no aldeia hamutuk 286, ne’ebé Miliitante Partidu CNRT distrítu Baucau iha tinan 2007 iha ona rihun 6 liu no iha tinan 2012 agora hamutuk ema nain rihun 20 liu, tanba ne’e tenke esforsu aan iha fulan tolu nia laran atu bele hetan objetivu Partidu nian ne’ebé determina ona hanesan 45+1 iha eleisaun Parlamenatr.
Nia dehan, Povu .ne’ebé mate iha funu laran la’os bá Partidu, maibé luta bá ukun rasik aan. Ne’ebé Partidu Polítiku agora ne’e hotu-hotu hanesan ho objetivu atu jere estadu ida ne’e. Tamba ne’e Partidu ne’ebé moris iha tempu agora ne’e, hanesan ho Partidu sira seluk, Tamba polítika ne’ebé hili sala sei estraga Povu nia moris,
Tuir Francisco katak, kontratu ne’ebé Priméiru governu konstituisaun halo negosiasaun bá mina no Timor Telekom hala’o hela korupsaun no monopoliu iha nasaun laran, tamba halo kontratu tuir sira nia hakarak.
“Ami hakarak informa bá Prezidenti Partidu katak, durante preparasaun ne’ebé halo ne’e ho esforsu atu bele fó pose bá Suku 55 no falta suku hat (4) mak seidauk kobre iha Sub-Distritu Laga,” dehan Francisco.
Maski nune'e’e nia promete katak, antes tama iha kampaña eleitoral suku hat ne’e sei kobre hotu no sei hetan fo pose ne’ebé signifika Partidu CNRT kobre hotu suku tomak iha Distrítu Bauca nia laran.
Aliende ne’e iha mós membru Partidu balun nian ne’ebé Hetan afiliasaun mai iha Partidu CNRT hodi haforsa tan Partidu bá hasoru eleisuan Prezidensiál no Parlamentar no atinzi objetivu Partidu nian ne’ebé mak P45+.
Maski nune'e’e iha mós afiliasuan husi Partidu Sira hanesan Partidu lideransa distritál Partidu Fretilin no Partidu Sosiál Demokoratika (PSD) iha distrítu Baucau liuliu Sub-distrítu Baquia.
Ho ida ne’e afiliante husi Partidu polítiku hanesan, PSD koordenador Sub-distrítu Baquia, Pedro Belo, hateten katak, nia parte deklara aan sai husi, tanba hakarak hamutuk hgo CNRT liuliu prezidenti Partidu, Xanana hodi bele avansa bá dezenvolvimentu nasiona.
“Ha'u Sei sai husi PSD hamutuk ho militante 140, husu husi 25/2 sai hanesan Militante Partidu CNRT hamutuk ho Maun Xanana nu'udár Aman bá Unidade nasionál hodi bele lori Nasuan Timor Leste ba futuru,” deklara Pedro.
Nune'e’e mós Kuadru polítiku Partidu Fretilin nu'udár mós priméiru Vise Prezidenti Organizasaun popular Muller Timor (OPMT), Sub-Distritu, Baquia, Maria Carlota, hateten, durante tinan barak hamutuk ho Fretilin haree Partidu ne’ebé Importante maibé haree mos dezenvolvimentu ne’ebé presiza aselera.
Maibé haree bá dezenvolvimentu ne’ebé inportante bá nasuan no povu atu hetan sustentabilidade, Maria deside hodi deklara afiliasaun bá iha Partidu CNRT, tamba figura Xanana mak bele lori Dezenvolvimentu mai Timor Leste.
“Hau fila bá Partidu CNRT, tanba haree bá Partidu inportante, maibé figura maibé figura mós Inportante atu lori Nasuan no dezenvolvimentu, ne’e halo hau hamutuk fila fali ho CNRT,” deklara Maria.
Iha konsolidasaun no fo pose bá estrutura foun Sub-distrítu 6 iha distrítu Baucau ne’e partisipa husi Prezidneti Partidu, Kay Rala Xanana Gusmão, Sekertariu Jerál, Dionisio Babo Soares, Prezidenti Komisaun Diretiva Nasionál (CDN), Francisco Kalbuady Lay, Estrutura Nasionál sira, membru CPN, membru klibur Profesionais (KP), membru Parlamentu nasionál husi bankada CNRT, Membru Governu husi Partidu CNRT, membru Organizasaun Juventude (OJP), Estrutura Organizasaun Muller Partidu (OMP) no militante no simpatizante ne’ebé kompletu husi estrutura nasionál to’o Baze.
Tidak ada komentar:
Posting Komentar