Relasiona ho oras ne’e dadaun komesa mosu partidu bara-barak iha nasaun kiik ida tanba deit atu kaer ukun hodi jere estadu no povu iha rai ida ne’e.
Ne’e Vise Sekretáriu Jeral Partidu CNRT husu nian militante tenke haree hili lideransa sira ne’e maka iha misaun no vizaun ba dezenvolmintu nasional.
“Lider balun koalia maka barak liu maibe prátika ladun hatudu iha terenu, ne’ebé husu maluk sira tomak tinan sanulu hau hanoin sufisiente atu koiñese ita nia lider sira hotu.
No agora halo nusa mak ita bele hili ida lider ne’ebé maka iha esperitu nasionalismu hodi dezenvolve rai ida ne’e no povu ida ne’e.Ida ne’e maka ita presiza kaer metin hodi ukun nasaun sebainhira kundu laiha figura ho ita heree liu simbúlo sira , simbolu sira ne’e terus nian mai maibe dala ruma lakondis ho situasaun ida agora. Deha Folaran semana kotuk iha Aimeti Laran Dili bainhira Partidu CNRT hala’o ninia konsolidasaun iha área ne’ebá.
Nia husu ba militante sira lalika haree liu simbúlo istória nian maibe tenke haree ba partidu polítiku ida ne’ebé maka ninia misaun no vizaun atu hadia rai ida ne’e.
“Ita presiza haree di-diak agora dadauk ne’e iha partidu atu hili ema ba tur iha Parlamentu Nasional, sebainhira ita hanoin haree liu-liu ba simbúlo sira ne’ebé uluk ita ultra pasa tiha ida ne’e maka sai prioridade dala ruma ita hili sala.
Istória, intória no parte dezenvolvimentu, dezenvolvimentu, movimentu, movimentu partidu polítiku, partidu polítiku ita labele kahur buat rua ne’e hamutuk, saida mak partidu polítiku? no saida maka movimentu?.
Dala ruma ita hanoin katak simbúlo ida ne’e maka diak liu maibe ita haree mos ita tenke ema ne’ebé atu lidera nasaun no bele dezenvolve rai ida ne’e” Nia sujere
Ikus nia husu ba juventude sira ne’e maka hamahon aan iha Partidu CNRT nia laran tenke banati no sama Maun Xanana nia ain fatin hodi nune’e tinan tolunulu oin mai ita boot sira bele sai lider ida ne’e mak diak.
“Ne’eduni hau husu ba kompaiñeiru sira hanesan sira ne’ebé maka ohin simu pose mesak juventude deit dala ruma iha loron tuir mai ita boot sira bele sai hanesan lider sira agora dadau ne’e .
Ita boot sira tenke konkorda ita nian aan, nomos hadia ita boot sira nian aan atu sai hanesan lider Maun Boot Xanana no lider sira seluk.
Ema ne’ebé maka atu sai lideransa ninia hanoin tenke luan, no ninia hanoin tenke ba dook, saida mak ita atu halo iha ita nia nasaun, saida mak ita atu kontinua ba ita nia dezenvolvimentu, saida mak ita ajuda ba ita nian governu ida ne’e mak juventude sira tenke tau iha ulun.
Ita kontinua ho situasaun ho hanoin buat sira ne’ebé iha kotuk maka dala ruma ita boot sira, aban bainrua eduka fila fali sira ne’ebé mak sei kiik atu sai fali boot dala ruma eduka sala tan mos iha” dehan José
Vise Sekjer ne’e mos Subliña liu tan katak Dili hanesan Kapital nasaun nian ita presiza hamutuk atu haree ba estabilidade no CNRT hanesan Partidu Polítiku ida ne’e tama sai iha aldeia hotu-hotu hodi konvense ba estabilidade iha rai laran.
Iha tempu hanesan mos Sekretáriu Jeral Partidu CNRT, Dionisio Babo hateten ita hotu labele tauk no hakfodak ba voatus sira ne’ebé maka ikus-ikus ne’e mosu iha ita nia rai laran, tanba ita moris iha ãmbitu demokrásia laran.
“Objetivu partidu polítiku nian ba maluk sira iha ne’e labele tauk , labele hakfodak agora ita Timor moris iha ãmbitu demokrásia nian hotu-hotu iha direitu hili sedeit ninia hakarak , ita iha direitu atu partisipa partidu polítiku ne’ebé deit ema ida labele bandu fali ema ida, ita hotu-hotu tenke fiar ba ita nia aan, fiar ba partidu, bainhira ita hamutuk maka bele hadia ita nian rain, no bele liberta ita nia povu husi kiak no mukit “ dehan Babo semana kotuk.
Sekjer ne’e mos husu ba militante sira atu hili lidernsa sira ne’ebé iha planu no nia iha mehi hodi bele dezenvolve rai ida ne’e.
“Hamutuk ho Partidu ne’e, hamutuk ho lideransa ne’ebé maka uluk kaer funu, ita iha planu, iha programa atu mehi nusa mak nasaun ne’e tinan tulunulu oin ne’e bele sai diak, ida ne’e mak CNRT nia mehi, ida ne’emak CNRT nia dalan.
Ba sira tur iha ne’e lalika ba servisu maka’as, ita tun ba kraik ema nain ida ba buka ema nain ida ka rua no dehan ba sira katak mai ita hamutuk CNRT no Vota ba CNRT.
Ita lakohi promete maibe povu fo fiar atu kaer ukun, ita tenke kaer ukun iha tinan 2012 sei halo mudansa barak iha ita nian rain.
Tanba ita iha lideransa ida hanesan Maun Boot Xanana, lideransa ida ne’e maka brani halo mudansa mesmu ita iha Lider polítiku barak maibe lider polítiku balun ne’e laiha brani ka korajen atu dezenvolvimentu iha rai ida ne’e, koalia maka barak maibe sai sae iha leten halo labele tanba povu lafiar.
Maun Xanana agor foin maka tinan nennulu resin lima (65), tinan lima maka foi kompleta hitunulu (70) ita tenke fo korajen nafatin ba nia hodi kaer rai ida ne’e hodi nune’e bele mantein paz, estabilidade, no dezenvolvimentu” hateten Babo
Nia mos husu ba militante sira hotu-hotu tenke sevisu maka’as, ita hotu-hotu tenke esforsu aan atu nune’e ita nia maluk sira iha kraik hateten katak ita iha intensaun diak ba rai no povu ida ne’e. Nia realsa.
Tidak ada komentar:
Posting Komentar