Dili-MLP,Durante ne’e Partidu CNRT la apoiu ba kandidatura ruma maibe ohin liu husi Comisaun Diretiva Nasional (CDN) ho Comisaun Politika Nasional (CPN) halo deklarasaun hodi fo apoiu ba kandidatura Taur Matan Ruak ne’e duni sei la tarde ba militantes sira atu hili maske ohin foin mak anunsia maibe durante ne’e CNRT halao servisu tea ona.Tuir Vice Sekretariu Jeral Partidu CNRT Jose da Silva (Fo Laran) hateten katak Partidu CNRT ohin anunsia ona kandidatura ne’ebe prense ona kriteria Partidu CNRT nian ne’e duni la tarde ba militante no Simpatizantes Partidu CNRT atu hili.
“Durante ne’e partidu CNRT la fo apiu ba kandidatura ida maibe liu husi analiza hodi disidi kandidatura Taur Matan Ruak mak prense duni Kriteria Partidu CNRT nian ne’ebe disidi iha konfrensia Nasional Partidu CNRT nian ne’e duni sei la tarde ba militante no simpatizantes sira atu hili”dehan Fo Laran hafoin halo Konfrensia Press iha Sede Nasional Partidu CNRT Sexta (24/02) Nian mos informa tan katak husu ba Strutura Kuadru Partidu CNRT nian atu servisu makas atu nune kandidatura Prezidente Taur Matan Ruak atu bele mana iha primeiru Ronde.
Iha fatin hanesan mos Prezidente Comisaun Diretiva Nasional (CDN) Fransisco Kalbuady Lay hateten katak deklarasaun ida ne’e mai husi Comisaun CPN no ita hotu hodi deklara ba publiku hodi fo apoiu ba Kandidatura Taur Matan Ruak tamba ne’e ita hotu tenke servisu hamtuk husi Nasional to’o iha baze.
“Desizaun ida ne’e mai husi CPN no CDN tamba ne’e ita hotu hodi deklara ba publiku atu fo apoiu ba kandidatura Taur Matan Ruak tamba ne’e ita hotu tenke servisu hamotuk hodi fo apoiu maximu ba kandidatura Taur Matan Ruak hodi manan iha primeiru Ronde”dehan Kalbuay.
Iha fatin hanesan Membru CPN, Domingas da Silva (Bilou Mali) hateten katak kandidatura Taur Matan Ruak mak hamotuk ho povu banhira ita nian maun bo’ot Xanana iha Prizaun tamba ne’e ita hotu tenke fo apoiu ba kandidatura Taur atu bele sai Prezidente iha 2012-2017.
Tidak ada komentar:
Posting Komentar