Uatulari—Irigasaun Bebui ne’ebé Hetan inagurasuan husi Priméiru Minístru (PM), Kay Rala Xanana Gusmão, halo Povu Distrítu Viqueque liu-liu Sub-Distrítu Uatulari kontenti ho Governasuan Aliansa Maiori Parlamentar (AMP) ne’ebé lidera husi Maun Boot Xanana rasik.Be Irigasuan ne’e sei bele fórnese ba natar hamutuk hektar rihun ida resin no agora dadaun komunidade utiliza hela natar hamutuk hektar 600 resin hafoin Primeiru Ministru inagura dauluk iha tinan kotuk.
Priméiru Minístru (PM), Xanana Gusmão, iha ninia diskursu hateten katak, iha tinan hirak nia laran ita defende liu ba inporta fos husi liur maibe ladun fo atensaun ba natar sira ne’ebé durante ne’e abandona hela.
“Iha tinan 2002 ha'u mai iha ne’e, em barak mak fa’an fos iha estrada ninin, maibé iha tinan 10 sanulu nia laran ita bele fó ona bé ba natar ne’ebé ita hotu tenke book aan hodi hamenus inportasaun.
Ha'u husu bá inanm Aman sira atu kaer ita nia natar rasik, han ita nia produsaun rasik ne’ebé mak ita iha, tanba iha fatin barak mak bele produs deit Kafe, modo, maibé ho ida ne’e hotu atu bele avansa bá produsuan Agrikulltura” dehan Primeiru Ministru, Kay Rala Xanana iha Mota Bebui bainhira hala’o nia diskursu hafoin ko’a pita Segunda-Feira (27/2/12).
Nia dehan, atu hetan aseleiru ne’e tenke esforsa aan didiak atu bele hetan mehi ne’ebé mak ita hakarak.
“Ita tenki halo produsaun bo’ot hodi bele faan produsaun rasik ba rai liur no aproveita hanoin atu produs buat ne’ebé diak, labele hanoin katak Dili mak buat diak hala’o hotu bá ne‘ebá,” dehan PM
Eis Prezidente ne’e mos informa tan katak wainhira bele halo buat diak ba aan rasik mak bele dezenvolvimentu, hodi hatudu mundu katak, agrikultor halo dadauk, no tenke produs nafatin atu diak liu tan ba oin.
Iha fatin hanesan Minístru Agrukultura no Peska (MAP), Mariano Asanami Sabino, hateten katak, Irigasaun ne’e sei fornese natar hamutuk hektar rihun ida resin. “Rehabilitasaun sistema irigasuan, operasaun sistema irigasaun no sistema irigasuan ne’ebé durante ne’e hala’o iha tinan barak ona, maibé irigasaun Bebui ne’ebé lolos halo hotu iha tinan 2009, maibé lakonsege tanba mudansa klimatiku ne’emak inagurasaun foin bele hala’o iha tinan 2012 ne’e. Maski nune'e iha irigasuanBebui ne’e fornese be bá natar hamutuk 1.090 hektar.
Minístru Agrikutura no Peskas Husu ba inan amam sira atu badinas halo produsaun ne’eb’e di'ak, tanba irigasuan ne’ebé ita inagura ne’e halo rehabilitasuan iha tempu naruk nia Laran sira mos tenke hatudu buat ruma ba estadu Timor.
“Ami nia esforsu mak sei kontinua hadia ita nia agrikultura atu nune’e ita nia Povu Agrikultor nia oan rasik bele lori nasaun no povu Agrikultor ba oin hodi bele dezenvolve diak liu tan” Ministru sujere
Iha tempu hanesan Administradór Sub-Distrítu Uatulari, Tomas Soares fo agradese ba Governu Aliansa Maiória Parlamentar (AMP) ne’ebé maka lidera husi Maun Boot Xanana tanba sira nia esforsu tomak ohin loron povu Uatulari bele hala’o sira nia natar ne’ebé durante abandona hela.
“Ami nia obrigadu barak bá governu ida ne’e, tanba bele ajuda agrikultor sira hodi hadia lalais irigasaun ida ne’e béle ajuda povu sira iha área ida ne’e atu nune’e sira hala’o hikas fali natar ne’ebé mak durante ne’e abandona hela. Dehan Tomas
Nu'udár lideransa Sub-Distrítu Uatulari, hateten katak, ho ajudu sira ne’ebé governu halo hodi ajuda povu agrikultor sira atu bele hala’o hikas natar ne’ebé iha rezultadu diak liu tan”. Tomas realsa
Tidak ada komentar:
Posting Komentar