Tuir Vise Sekretáriu Jeral Partidu CNRT , José da Silva (Fo Laran) hateten katak Politika Partidu CNRT nian mak atu hametin estabilidade,Paz,no unidade Nasional , ida ne’e mak prinsipiu fundamental partidu CNRT nian hakarak.
“Iha Inisiu Prinsipiu partidu CNRT nian mak tenke hametin estabilidade,Paz,no unidade nasional hodi lori dezenvolvimentu nasional iha país ida ne’e, ida ne’e mak prinsipiu fundamental partidu CNRT nian”dehan Jose Fo Laran hafoin halo konsolidasaun Partidu CNRT Iha Aldeia Aimetilaran,Suku Comoro Sub-Distritu Dom Alexo, Sábadu (04/02). Nia mos informa tan katak maske partidu Politiku barak mak agora dadaun iha ita nian nasaun, maibe tenke haree ba partidu ne’ebé iha nian prinsipiu no lideransa tamba atu hemetin unidade nasional tenke iha lideransa ne’ebé forte hodi bele kaer metin unidade nasional.
Tuir Koordenador Partidu CNRT Suku Comoro, Luis Salsinha hateten katak Partidu mak bele hametin estabilidade no unidade nasional iha rai ida ne’e tamba CNRT lidera husi lideransa máxima Maun bo’ot Xanana, ne’e duni la iha partidu seluk mak atu bele kaer metin establilidade iha rai ida ne’e.
“Partidu CNRT mak bele hametin unidade nasional no estabiidade iha rai ida ne’e tamba CNRT lidera husi Lideransa ne’e forte atu bele defende estabilidade no unidade iha rai ida ne’e”Dehan Luis hafoin partisipa iha konsolidasaun ne’e.
Iha fatin seluk militante husi Partidu CNRT, António Sequeira hateten katak atu lori dezenvolvimentu ba rai ida ne’e ba oin presiza establidade no hametin unidade nasional, ne’e duni hau fiar katak partidu CNRT iha nian prinsipiu ne’ebé bo’ot hodi kaer metin nafatin unidade nasional hau fiar katak dezenvolvimentu sei la,o ba oin.
Tidak ada komentar:
Posting Komentar