Ohin loron, 11 Fevereiro 2012 iha Sede Partidu CNRT bairos dos Grilos, Klibur Profesionais Partidu CNRT (KP-CNRT) nian, halo reuniaun alargado ida ho membros no Koordenadores Departementu sira KP nian, hodi halo diskusaun no update konaba aktividade partidu inklui diskusaun konaba preparasaun ba Eleisaun Presidensial no mos Parlamentar. Agenda nebe koalia iha Reuniaun ida ne'e mak hanesan:
- Preparasaun ba Meius de komunikasaun atu halo desiminasaun informasaun partidu nian liu-liu KP CNRT nia aktividades tomak ba Base (Partisipantes sira foka liu ba kanal Radio mos media elektronika hanean Jornais no mos internet.
- Apresentasaun Mapeamentu Politiko Partidu CNRT nian husi ekipa mapementu politiko nian ba membru KP nebe partisipa, ho intensaun atu desimina informasaun ba membro sira hotu lori hatene forsa politika nebe Partidu iha ba ohin loron, no preparasaun saida mak tenke halo para atinji meta nebe partidu deside ona.
- Diskusaun konaba Preparasaun ba Seminario nebe sei halao iha Distiru Baucau. Konaba seminario ida ne'e Kabe ba Komisan de Preparasaun nebe dirigi husi Sr. Marcal rasik.
- Hato'o informasaun Geral ba Membros KP tomak konaba resultadu diskusaun no desizaun sira nebe hola iha konferensia Nasional Partidu CNRT nian nebe foin halao iha fulan Jeneiro liuba. Intensaun husi informasaun ida ne'e mak atu membro KP-CNRT nian tomak nebe la marka prezensa iha enkotru ida neba, bele mos apar ka akompanha resultadu saida mak hola iha konferensia importante ida ne'e.
Reuniaun ida ne'e mos deside ona atu halo tan enkontru alargadu iha semana rua oin mai, iha loron sabadu. Bele hein nafatin kontaktu ka mensajem husi Sekretariadu.
Enkontru ida ne'e dirigi direitamente husi Presidente KP-CNRT Sr. Bendito Freitas.
Atu hetan informasaun diak liu tan bele kontaktu ba Sekretariadu KP-CNRT nian.
FIAR AN LAO BA OIN.
Jose Costa
Fontes: Facebook: Grupu Militantes no Simpatizantes Partidu CNRT nian nebe Post husi Jose Costa
Tidak ada komentar:
Posting Komentar