Tuir dinamika diskusaun ba asuntu Probabilidade Koligasaun hetan diskusaun makas kuase oras rua resin. Dala uluk Komisaun D nebe trata asuntu Probabilidade Koligasaun apresenta kriteria oinsa halo koligasaun, ikus mai diskusaun sai manas tamba, balun foka kriteria, barak liu esperesa sira nia sentimentu konaba desvantazen husi esperiensia koligasaun durante tinan 5 iha AMP.
Kuase partisipantes sira husi Distritu espresa sira nia sentimentu triste nebe sira rasik hasoru iha base katak, laos membro partidu husi Ministeriu A, nia labele asesu buat nebe governo iha, ho liafuan seluk koligasaun ne’e resulta deit sentimentu tristeza ba ami nudar kuadru iha partidu, tamba ita hola parte ba koligasaun mais realidade fo benefisiu fali ba partidu seluk atu aproveita deit koligasaun ho CNRT hodi habo’ot an.
Tuir konferensista ida husi Distritu Baucau hateten katak, Dezenvolvimentu lao duni iha periode AMP nian, maibe dezenvolvimentu ida nebe ita bele dehan katak lao neneik tebes tamba interese partidu idak-idak nian iha koligasaun makas liu duke visaun nebe ita hakarak ba Dezenvolvimentu Nasional.
Hafoin intervensaun sira husi konferensista sira, presidente do Partidu Kayrala Xanana Gusmao halo resumu no apresenta ba konferensista sira atu aprova kriteria ba koligasaun nian. Kriteria importante liu mak so resultadu eleisoens mak sei determina se partidu sei opta ka la opta koligasaun no se hakarak tama koligasaun ho CNRT tenke simu PEDN no tuir programa partidu CNRT nian.
Ikus mai konferensista ho antusiasmo makas hato’o sira nia basa liman, hodi kontinua serbisu ba partidu hodi hetan targetu P-45+ nebe sai hanesan meta partidu nian hodi hases an tiha probabilidade ba koligasaun ne’e. (JC)
tuir hau nia hanoin, diak liu partidu Fretelin ho CNRT mak halo koligasaun ona, para forma Governo, tanba ita hare ba realidade nebe iha hanesan uluk, sira nain rua se kotuk ba malu kuandu iha eleisaun, maibe agora sira nain rua sai amigu fali ona, belun diak fali ona. ho ida ne'e ita garante katak partidu rua ne'e hamutuk hodi forma governo sei lori dezemvolvimentu ba rai doben ida ne'e. no partidu kik sira hanesan partidu PLP, PD, no Khunto sai oposizaun ona iha uma fukun parlamentu, se partidu CNRT halo kligasaun ho partidu hanesan PLP ka PD hau hanoin deficil para lori dezemvolvimentu ne'ebe la'o ho diak ba povo no nasaun ida ne'e. tanba antes ne'e mosu divorsiu entre Partidu PD no CNTR iha V governo nia laran, hau hanoin ida ne'e sei laran kanek ba malu hela karik no CNRT mak koliga ho PLP mos sei dificil karik tanba diskursu ne'ebe akontese iha parlamentu Parlamentu Nasional entre lider sira halo korizi ba malu maibe lider balu la simu, maske diskursu ne'e diak hodi lori dezemvolvimentu ba nasaun no povo ida ne'e, diskursu ne'e iha tinan 2015, nia laran.
BalasHapusmak ne'e deit ba ideia ida ne'e. husu atu publica to'o ami nia hanoin ida ne'e ba iha Publico. obrigadu.
Husi: Filtma de Vasconcelos (Melabua Anan).